الطريق الي كندا

كل ما تريد معرفته


    الحياه فى تورنتو

    شاطر

    Toronto

    عدد المساهمات : 42
    تاريخ التسجيل : 18/02/2010

    الحياه فى تورنتو

    مُساهمة  Toronto في الخميس فبراير 18, 2010 2:53 pm

    اعزائي و احبائي...
    تعتبر كندا من البلاد المترامية الاطراف و التي يصعب فيها التنقل بالأوتوبيس,او القطار نظرا لعده اسباب منها ارتفاع اسعار التذاكر وربماكانت مواعيد الأتوبيسات او القطارات غير ملائمة للمسافر لهذا وذاك فكان يجب علينا نحن المهاجرين من الظلمات الي النور ان نجد وسيلة سهلة و مريحةتوفر علي المهاجر سهولة التنقل الي اى مكان يريدة في اي وقت يشاء..فجاء اختراع السيارة علي يد العالم الكبير تورونتو وكانت هذه الانطلاقة الأولي في عالم السيارات والمحركات ..ولكن لكل شئ اصول و خاصة في كندا حيث لا يستطيع احد ان يقود سيارة بغير رخصة قيادة سارية و صالحة ولكن يجب ان تتوافر بعض الشروط التي اقرتها وزارة النقل وتمت الموافقة عليها بواسطتي..
    الاوراق المطلوبة لاستخراج رخصة قيادة في اونتاريو..
    1ـكارد الاقامة الدائمة او مستند اللاندنج بيبر وهذا مستند هام جدا يجب الحفاظ عليه.
    2ـرخصة القيادة المصرية ويجب ان تكون ساريه او انتهت من لا يزيد عن عامين.
    3ـخبرة في القيادة لمدة لا تقل عن عامين في حالة طلب علي رخصة قيادة gوهذا ما سوف نتكلم عنه مستقبلاا.
    4ـترجمة رخصة القيادة و لاتعتمد الترجمة خارج كندا
    .
    5ـ للأخوة الذين جددوا رخصة القيادة في مصر مراعاة طلب شهادة بيانات من ادارة المرور التابعين لها بمدد الرخص القديمة تثبت تاريخهم في القيادة.
    6ـاختياز اختبار النظر او vision test
    7ـاجتياز اختبار الالوان و الاتجاهات.
    8ـاختياز اختبار النظري وهو عبارة عن 32 سؤال في قواعد و اشارات المرور المطلوب اجابات صحيحة ل 28 سؤال ويمكن الاستعانة بمترجم في حالة عدم التحدث او قراءة الانجليزية او الفرنسية.
    9ـاختياز الاختبار العملي للقيادة.
    10ـ دفع رسوم الرخصة شاملة الضريبة طبعا..
    للحديث بقية

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 2:55 pm

    انواع الرخص في اونتاريو قبلة المهاجرين....
    1ـ g1وهذا النوع من الرخص تحصل علية بمجرد اختياز الاختبار النظري ال 32 سؤال اياهم
    ولكن هذه الرخصة لها شروط قاسية للقيادة بها مثلاا لا يسمح بالقيادة بعد غروب الشمس و لاسمح بالقيادة الا بجانب شخص حاصل علي رخصة قيادة g و لايسمح بتواجد اطفال في السيارة اقل من 18 عام..نسبة الكحول في الدم يجب ان تكون zero
    2ـg2 وهذه الرخصة تسمح لصاحبها ان يقود سيارته في اي وقت او مكان يريده اى المدينةوعلي الطرق السريعة و لكن نسبة الكحول في الدم يجب ان تكون zero
    3ـg وهذه الرخصة لا تختلف عن السابقة في شئ من ناحية القيادة الا شئ فقط انه مسموح بنسبة 3 في المائة من الكحول في الدم و لكن للحصول عليها يجب ان يكون للطالب خبرة لا تقل عن سنتين في بلده الاصلي..واختياز اختبار الطريق في المدينة و علي الطريق السريع او الهاي واي..وهذاالامتحان صعب اجتيازه من اول مرة في تورونتو.رخصة ال g2لها اختبار داخل المدينة فقط

    المدة المطلوبة لتغير رخصة القيادة من g2 الي full gهي تسعة اشهر
    ..

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 2:56 pm

    سوف اتكلم من واقع خبرتي في كندا عن الحياة من ساعة هبوط الطائرة الاراضي الكندية وكيفية استخراج الكروت الهامة في كندا و طرق ايجاد فرص العمل و كيفيه عمل السيرة الذاتية وكيفية اجتياز مقابلة العمل

    مميزات رخصة القيادة الكندية..
    1ـرخصة القيادة يعتد بها كأتبات للشخصية فليس من الضروري حمل كارد الاقامة او جواز السفر
    2ـيمكنك العمل بها والحصول علي دخل يوفر لك ايجار المنزل و المصاريف اليوميه.
    3ـ احيانا تكون مصوغ اساسي للتعيين في وظيفة ما و دائما يفضلون الحاصلين علي رخصة قيادة كلاس g
    يوجد كثير من المدارس لتعليم القيادة في اونتاريو و تتراوح تكلفة الساعة مابين 25 الي30 دولار.واكثر المدربين من البنجلاديش و الباكستانين و الهنود..والمصريين..

    الرخص المهنية...
    هذه الانواع من الراخيص مختلفة تماما عن التراخيص السابقة و لعلي اتكلم عنها معكم بما انها تعتبر مصدرللرزق و مهنة لمن لا مهنة له ههههههه...والان سوف نتكلم عن اعلي رخصة قيادة يمكن ان تحصل عليها في الاراضي الكندية وهي رخصة معقدةفي كل شئ يتعلق بها ومن النادر الحصول عليها من اول اختبار عملي للقيادة..وتسمي كلاس a شروط الحصول عليها...
    1ـ رخصة قيادة ساريه كلاس g
    2ـ اختياز اللاختبار النظري كلاس aو هو عبارة عن 32 سؤال المطلوب اجابات صحيحة ال 28 سؤال وهو اختبار مختلف تماما عن الاختبار النظري لكلاس g
    3ـ اجتياز الاختبارالنظري لقواعد و اشارات المرور 32 سؤال مطلوب اجابات صحيحة ل 28 سؤال و هو يشبه اختبار كلاس g
    4ـ اختياز كورس فرامل الهواء وهوكورس معقد ويحتاج الي دراسة لمدة اسبوع..تم اجتياز الأختبار النظري وهو عبارة عن 20 سؤال مطلوب اجابات صحيحة ل 14 سؤال ثم اجتياز الأختبار العملي وهو اصعب جزء في الكورس نظرالوجود مندوب من وزاره النقل الكندية محترف و متخصص
    5ـ معرفة كل قطعة في المحرك و المقطورة الخلفيه و كيفية فحصها و التأكد من سلامتها.
    6ـ فصل المقطورة عن القاطرة و اعادة ربطها مرة اخري و كيفية فصل فرامل الهواء عن المحرك اذا حدث لا قدر الله تسرب من تانكات الهواء.
    7ـ كيفية معادلة ظغط الهواء مانوالي manual
    8ـاجتياز اختبار القيادة العملي..وهو أخر خطوة .
    هذه الرخصة يمكنك قيادة اى مركبة بها مش في كندا فقط ولكن معترف بها في جميع انحاء العالم. وبالمناسبة هي دي الرخصة ايلي معايا..
    نسيت اقول شئ ..يجب اجتياز الكشف الطبي و تحليل المخدرات في الدم و اليورين.
    نسبة الكحول في الدم zero و لا تهاون في ذلك
    .

    .

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:00 pm

    رخصة القيادة كلاس Aيمكنك قيادة اي مركبة مهما كانت حمولتها او طولها او ارتفاعها..ولكن توجد بعض انواع التراخيص الاخري منها مثلاا ...
    كلاس B وهي خاصة باتوبيس المدرسة و شروطه الحصول علي النوع نفس شروط كلاس A ولكن سهل في قيادته.\
    2ـ كلاس c و هذا لقيادة اتوبيس المدينة...
    3ـ كلاس D وهذا النوع لقيادة عربات النقل من غير مقطورة
    4ـ كلاس E وهذا النوع لقيادة اتوبيس المدرسة اقل من 20 فرد و لا يتطلب عمل كورس لفرامل الهواء
    5ـ كلاس F وهذا النوع لقيادة اتوبيس المدرسة 12 فرد و لا يتطلب كورس لفرامل الهواء

    مصايف الرخصة...
    سأتكلم فقط عن كلاس g1وg2وg
    g1 125 دولار شاملة الامتحان النظري الضريبة لمدة خمس سنوات وهي مدة صلاحية الرخصة.
    واذا لم توفق من اختياز الاختبار النظري تدفع 12 دولار عن كل مرة.
    G2 فقط 55 دولار لاختبار القيادةالعملي
    .

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:01 pm

    اعمال بسيطة في تورونتو يمكن بواسطتها الحياه بصورة محترمة..
    هذه الأعمال متوفرة في مدينةتورونتو ..
    1ـ ضابط امن وهذا العمل لا يتطلب مجهود عضلي و يصلح لمن يريد عمل المعادلات و الدراسة..شروط هذا العمل بسيطة جدا فقط يجب الحصول علي تصريح من ال opp وبلدية تورونتو بالعمل كضابط امن وهذا التصريح تكلفته 80 دولار فقط ويجدد كل عام ..انا شخصيا اشتغلتها...
    العائد المادي يتراوح ما بين 10 الي 14 دولار /ساعة
    طرق ايجادهذا العمل ..اعمل سي فيه و ارميها علي مواقع التوظيف وبعد 48 /ساعة 20 شركة حيتصلوا بيك...
    2ـ قيادة المعدات الخفيفة ..وهذا العمل يتطلب عمل كورس 24/ساعة وتكلفته 120 دولار ..المعدات الخفيفةهي الفوركليفت بانواعها..وفرص ايجاد العمل كبيرة جدا و خاصة في الصيف..العائد المادي من 13 الي 17 دولار/ساعة وبعض شركات البناء بتدفع 40/دولار في الساعة..تمنح التصريح في نفس اليوم بعد اختياز الاختبار العملي و النظري في حضور مندوب من هيئة الامن و السلامة في اونتاريو..ملحوظة مستعد لتدريب الاخوة المهتمين بهذه الاعمال علي اي معدة خلقها ربنا ...طبعا ظرفني تعرفني..زورونا تجدوا ما يسركم..ههههه
    3ـ اعمال توصيل البيتزا و المأكولات للمنازل وهذا العمل يتطلب سيارةولكن العائد محترم..
    4ـ شغل المطاعم كتير و لكن يتطلب تصريح و عمل كورس في الsmaert serveوخاصة اذا كان المطعم يقدم الكحول..تكلفة هذا الكورس 65 دولار في معهد تورونتو للمشروبات الكحولية .
    5ـ سائق تاكسي وشروط هذا العمل الحصول علي رخصة قيادةكلاس g وعمل كورس في كيفية التعامل مع الركاب وكيفية قراءة الخريطة..تكلفة هذا الكورس 535 دولار.

    6ـ داتا انتري وهذا العمل يتطلب اجادة تامة في اللغة الانجليزية
    7ـ كول سنتر وايضا يتطلب اجادة تامة في اللغة الانجليزية.
    8ـ بعض اعمال خدمة العملاء وهذا العمل يصلح للمرأة وشروطه الاجادة التامة للغة الانجليزية...
    للحديث بقية
    .

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:02 pm

    طبعا انا متأكد ان لو فيه واحد دكتور او صيدلي او هندسة سألتوا انت كنت بتشتغل اية اول ماوصلت كندا حيقولك من غير تفكير رئيس الوزارة..عمره ما حيقولك انا اشتغلت في مطعم او حارس امن..والكلام ده ان سمعته بودني

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:03 pm

    http://www.mto.gov.on.ca/english/dan...er/classes.htm

    ده اللينك ايلي فيه كل حاجة عن الرخص و انواعها وكل ايلي يخص القيادة في اونتاريو.

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:03 pm

    http://www.toronto.ca/index.htm

    اتمشوا شوية في مدينة تورونتو.

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:05 pm

    كام سؤال لتورونتو باشا زعيم المحركات:
    1: اية افضل السيارات مبيعا في كندا؟
    2: اجيب 4x4 عشان التلج يبقى احسن ولا ماتفرقش خالص؟
    3: اجيب معايا رخصة مصر والسعودية وقطر يفيدوني واقدر اطلع الرخصة ال g على طول.
    4:ازكى سوال بقى: مين هما الديلر لامواخزة؟.
    5: ممكن اجيب عربية مستعملة بالقسط؟
    6: التامين على العربيات القديمة اكتر ولا العربيات الزيرواكتر؟
    مستني ردك ياباشا على احر من الجمر؟

    السلام عليكم يا قوم...انا جيت

    كل السيارات ايلي حتشتريها من الديلر زي الفل ..الديلر هو انسان بيبيع العربيات المستعملة و الجديدة علي السواء..والدليل انه بيديك جرانتيه احيانا بوصل لسنة..مشكلة السيارات في كندا مش موتور المشكلة في البرومة و الصدأ ايلي بتاكل جسم العربية بسبب التلج و الملح ايلي بيرشوه في الشوارع في فصل الشتاء...علشان كده تلاقي ان الباركينج في اي بيت حتأجره اول ماحتوصل ب 50 و ب 60 دولار شهري لانك مش حتقدر تركن ربيتك في الابون باركينج في ضهر البلدنج الست شهور بتوع الشتا حيكلوا البودي وحتلاقي البارومة ضربت في الرفارف و في جناب العربية من ناحيةالبواب..شوفت الالمونيوم الطري لما تقطعوا بالسكينة جسم العربية حيبقي بالشكل ده طبعا لانها مش جديدة فحتكون قابلة للتآكل اكتر..
    حاليا افضل السيارات مبيعا في كندا كل الياباني ..ثم الالماني وخاصة الفوليكس بانواعه و يليه الامركاني..انا افضل الياباني لانه اقتصادي..وعموما العربيات ازواق ..الجيب جميل بس انت محتاج في اول الامر عربية اقتصادية و مريحة وتعرف تمشي بيها في بلد فيها اكترمن مليون سياره..الجيب المستعمل غالي و صيانته غالية فرايي خليك في الياباني..الامريكاني بيستهلك بنزين بس صيانته رخيصة..الياباني اغلي شوية..هات معاك اقدم رخصة فيهم وتكون سارية..طبعا ممكن تطلب رخصة full g علي طول لو عندك خبرة في السواقة اكتر من سنين.
    هو مش ممكن تجيب عربية مستعملة بالقسط...لكن ممكن تجيب عربية جديدة بالقسط..هههه
    طبعا التامين علي الزيرو اكتر بكتير ..هتي القديم تامينه غالي انا بقول القديم يعني 10 سنين علي الموديل..قل من كدة ممكن تدفع من 70 الي 80 دولار شهري لان العربية اصبحت
    not listed

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:06 pm

    تسلم ياتورونتوا على الرد. ربنا يكرمك. بس برضة معرفتش تنصح اي حد جاي يختار اية. يعني مثلا اللي جاي قطر انصحة يجيب تويوتا او نيسان او هوندا بالترتيب والا مش هيعرف يبيع عربيتة نعد كدة.
    العربيات ال فور باي فور افضل في قطر من العربيات السيدان واكتر مبيعا.
    زبعديم انا مش فاهم ازاي الجيب القديم اغلى من الياباني دا انا شوفت في موقع ebay.ca جيب شيروكي موديل 2005 ب 10.000 وزي الفل والياباني كلة اغلى من كدة. واية رائيك في الكوري. وازاي نقدر نلاقي الديلر هناك؟ هيبقى عامل اعلان في الشارع مثلا اعرف منة انة ديلر؟؟مستني ردك المطول ياريس.

    لو في امكانيتك تدفع عشرة آلاف دولار في عربية جيب مستعملة طب ليه ماتجبش جديد..شوف يا سيدي..الياباني هو السيد في كل العالم مش في قطر بس..انا عربيتي تويوتا لما اشتريتها كانت عامله 70.000 الف كيلو تقريبا جديدة ..وبصراحة مريحاني و اقتصادية و ممكن تبيعها حتي لما تكون not listedفي كتير حيشتروها..انصحك بالياباني..الكوري ممكن ب 3000 دولار تجيبلك عربية محترمة بس مش قوية الهيونداي بانواعه مالوش سوق ماشي..الديلرفي كل منطقة في تورونتو ..وفيه مجلات في الشارع تلاقيها في الصناديق الصفراء بجانب محطات الاتوبيس و الصابواى فبها صور للعربيات و انواعها و اسعارها وارقام تليفونات الديلرز و عنواينهم..هذه المجلات مجانا..وفي محطة في التليفزيون كمان ابسط..الديلرز بيبقي عنده ارض كبيرة و فيها عربيات كتيرة للبيع..وبيبقي مكتوب علي العربية سعرها وموديلاها و عاملة كام كم..والديلر في نفس الوقت المسئول عن ترخيص العربية و فحصها..وبيديلك شهادة بالكلام ده..يعني مش حتتدابس في حاجة يا سيدي..بعد ماتشتري العربيه...حتشوفلك شركة تأمين مرخصة ودول حتلاقيهم في ال yellow pagsاو عن طريق واحد صاحبك..طبعا التامين حيبقي غالي شوية في اول سنة علشان انت معنداكشي تاريخ تاميني في القيادة لكن بعد كده حيقل وممكن بعد تلات شهور تشوف شركة تانية ارخص وهكذا...

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:08 pm


    العربية عند شراؤها حتي لو مستعملة..بتبقي من غير نمر..ولن تستلم الارقام الجديدة حتي تدفع الضريبة ودة بيتوقف علي موديل سنة العربية..يعني كل ماكانت قديمة كل ما الضريبة ألت
    فيه شهادتين بتستلمهم من الديلر بعد شرائك للسيارة
    1ـ EMISSION TEST وده بمعني ان السيارة تصلح وغير مسببة لتلوث في البيئة

    2ـ cERTIFIEDامن و متانة...
    3ـ الضريبة ثم استلام نمر العربية.من ال cITY HALL
    4ـ شراء تأمين السيارة
    وكل عام و انتم بخير
    .

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:09 pm

    الاخ العزيز toronto
    السلام عليكم.. لو سمحت عندي شوية اسئلة :
    1- ياريت توضح لنا يعني ايه not listed ؟
    2- هل الضريبة على السيارات سنوية ام عند الشراء فقط؟
    3- هل يتم فحص السيارات و تجديد رخصها سنوياام كل 3 سنوات زى مصر و ما هي التكاليف؟
    4- نصيحتك.. لو بنتكلم عن عربية ياباني بسعر معقول و مميزات تلائم مناخ كندا.. اي نوع و اي موديل تنصح بيه؟ و تقريبا كام سعرها؟

    اشكرك جدا و اتمنى لك التوفيق في كل اعمالك

    [color=green]not listed بمعني انها اصبحت لا تصلح او غير معترف بها ولكن يظل لها تامين و تجدد رخصتها كل عام.
    الضريبة تدفع سنويا
    تفحص السيارة مرة واحد عند الشراء
    كل انواع الياباني يصلح في كندا..والاسعار تتوقف علي موديل سنة السيارة..حالتها..عدد الكيلو مترات
    [Not listrdيعني مر علي تاريخ تصنيعها عشر سنوات..
    التأمين بيتوقف علي موديل العربية و تاريخ تصنيعها..كل ما كانت قديمة كل ما التأمين كان قليل..مصاريف العربية في اونتاريو ممكن تكون اكتر من 2000دولار سنوى ...وخاصة السنة الاولي بسبب التأمين.جميع السيارات lisred or notبتتدفع عليها ضريبة مرة واحدة في السنة لكن لما بتكون not listedالضريبة بتكون قليلة جدا...ارخص شركات التأمين وارخص الضرائب في كيبيك../color]..

    Toronto

    عدد المساهمات : 42
    تاريخ التسجيل : 18/02/2010

    رد: الحياه فى تورنتو

    مُساهمة  Toronto في الخميس فبراير 18, 2010 3:11 pm

    الاخوة الافاضل

    كل من ينوى عمل اللاندنج ان شاء الله فى تورنتو يمكن ان يحتاج ال دليل

    شامل لمدينة تورنتو 2007 و به تفاصيل الاماكن و الفنادق و الهيئات الحكومية

    و المطاعم بالخرائط و العناوين و التليفونات

    الكتاب معروض فى المكتبات و لكن بسعر غالى نوعا ما



    يمكنكم التحميل من احد الرابطين

    rapidshare

    http://rapidshare.com/files/153519171/0470048522.zip

    او

    filefactory

    http://www.filefactory.com/file/625789/n/0470048522_zip


    بحجم 3.6 Mb

    و دمتم بخير

    اسكندرية تاني

      الوقت/التاريخ الآن هو الأحد ديسمبر 04, 2016 7:22 pm