الطريق الي كندا

كل ما تريد معرفته


    فرص عمل التمريض فى اونتاريوا/ اوتاوا

    شاطر

    تهاني

    عدد المساهمات : 37
    تاريخ التسجيل : 11/02/2010
    العمر : 39

    فرص عمل التمريض فى اونتاريوا/ اوتاوا

    مُساهمة  تهاني في الثلاثاء فبراير 16, 2010 1:25 pm

    موضوع منقول كاتيه "المر"
    ----------------------------------------
    أخواتى و اخوانى


    السلام عليكم و رحمة الله و بركاته . انا بكالوريوس تمريض 1997 جامعة الاسكندرية و اعمل انا و زوجى فى مستشفى كبير بالسعودية .

    قدمت على الهجرة الى كندا ( فيدرالى) و الحمد لله انا فى انتظار طلب الباسبورات بتعتى انا و زوجى و بناتى الاثنين . يعنى فى الخطوات النهائية و الحمد لله. انا دخلت مواقع كثيرة لمعرفة ظروف العمل بالنسبة للتمريض فى كندا و لكن لم تكن و اضحة بالقدر الكافى .

    انا بأناشد اخواتى و أخوانى المقيمين بكندا لو عندهم اى فكرة عن سوق العمل للتمريض بكندا و ما هى الاجراءات المطلوبة للعمل كممرضة بكندا علما بأننى خبرة 10 سنوات. جزاكم الله كل خير

    تهاني

    عدد المساهمات : 37
    تاريخ التسجيل : 11/02/2010
    العمر : 39

    رد: فرص عمل التمريض فى اونتاريوا/ اوتاوا

    مُساهمة  تهاني في الثلاثاء فبراير 16, 2010 1:26 pm

    عشان تقدرى تشتغلى فى كندا كممرضة قانونية يجب ان تحصلي على البورد الكندي .

    طريقة التسجيل

    مثلا انت مقدمة الهجرة ل اونتوريوا يبقي سجلي فى جامعة تورونتوا الجامعة دى الوحيدة غير كل الجامعات يعنى كل الجامعات تقدرين تحميل الابليكيشن من ع الويب سايت مالهم وملئه وارسالة لهم اما تورونتو الوحيدة اللى لازم تراسليهم الاول وتكتبي بياناتك صحيحة وبعدين هما هيرسلوا لكي طلب التسجيل بالبريد الجوى .
    وبما انك كدا كدا رايحة هناك فالحقي من هنا راسليهم عشان الاوراق اللى لازم تخلصيها من الجامعة فى مصر ووزارة الصحة تلحقي تخلصيها .
    ولما تروحى هناك تبقي تتابعى معاهم .
    ومبدئيا لو بعد التقيم بتاعك ممكن تحصلي على تصريح عمل موقت وتقدرى تشتغلى هناك لحين اجتيازك الامتحان وحصولك على البورد الكندى .

    بخصوص الشغل فى كندا
    كندا من اشد الحاجة للتمريض المؤهل وانت لو اخدتى البورد ان شاء الله هتلاقي عوشرميت الف شغلانه الكلام دا من بوء الكنديين نفسهم واصدقائي المصريين هناك .

    اتمنى ان احد من الاخوة الميقيمن فى كندا يجيبك باستفاضة
    بالتوفيق ان شاء الله


    صحيح نسيت الويب سايت
    http://www.ona.org/

    http://www.rnao.org/

    تهاني

    عدد المساهمات : 37
    تاريخ التسجيل : 11/02/2010
    العمر : 39

    رد: فرص عمل التمريض فى اونتاريوا/ اوتاوا

    مُساهمة  تهاني في الثلاثاء فبراير 16, 2010 1:27 pm

    انا متشكرة اوى على ذوقك.

    ده شرف ليه انا و الله اننا نتواصل . انا دخلت على الموقع الاول و دخلت على موقع كلية انتاريوا للتمريض و ارسلت بياناتى كاملة و بعد ذلك ارسلوا لى ايميل انهم سوف يرسلوا لى package information بعد حوالى 21 يوم و فيها كل التفاصيل و المصاريف المتعلقة بالتسجيل .

    بانلسبة لجامعة تورونتو ممكن لو سمحتى تقوللى الخطوات للوصول الى تحميل الابيلكيشن من على النت لانى حاولت كتير و ما

    وصلتش. انا اسفة طلباتى منك كتير . جزاك الله كل خير

    لا سورى شكل خلط الامور تورونتو هى انتوريوا ومايصير تحملين الابليكيشن من عالنت طالما راسلتيهم هما محترمين اوى اقل من 21 يوم هتلاقي الابليكيشن وصل ومطبوع عليه اسمك وبياناتك هو دا نظامهم .

    بس شوفى تورونتوا فيها عيب مادرى بالنسبة ليكي الامور ايه بخصوص الانجلش يعنى مثلا

    College of Nurses & association of Alberta .

    English score

    speaking 7

    over all 6.5


    College of Nurse of Ontario.

    speaking 7

    reading 6.5

    writing 6.5

    listening 6.5 .

    لو الانجليزي بتاعك اوك وتقدرى او جبتى الاسكور دى توكلى على الله
    او مع الابليكيشن اللى هيبعتوه هتلاقي اسكور تانية.
    عموما انا معى نسخة من الابليكيشن لو تحبي تاخدى فكرة ابقي اعمل لك اسكنر واجبهوملك .

    يلا بالتوفيق ان شاء الله

    تهاني

    عدد المساهمات : 37
    تاريخ التسجيل : 11/02/2010
    العمر : 39

    رد: فرص عمل التمريض فى اونتاريوا/ اوتاوا

    مُساهمة  تهاني في الثلاثاء فبراير 16, 2010 1:30 pm

    إقتباس(المر @ Apr 9 2008, 10:03 AM)
    معلش انا نسيت.
    بالنسبة للتسجيل ممكن ابدأ اراسلهم قبل كم شهر من وصولى الى كندا و ال process بتاعت التقييم و ارسالهم الموافقة بتاخد كام شهر. ,و هم بيرسلوا الموافقة فى شكل خطاب موافقة و لا كارت من الكلية . و بالنسبة للموافقة بتكون لها expire date :roseop thanks alot

    سلام عليكم

    الفكرة هو انك تكونى تحملين البرود الكندى وبعدها تقدر تشتغلى فى اى حته فى كندا ,هو جمعات مختلفة ولكنها تقع جميعا تحت نقابة تمريض واحدة .


    بعد تحميل الابليكيشين ودفع الفيز وارسال الاوراق سوف يتم فتح ملف لكى وبعدين تقدرين تتابعيهم بالاميل هما محترمين جدا ومش بيتاخروا على اى تساؤل .
    وبعد ما كل اوراق يستلموها اللى من الجامعة واللى من وزارة الصحة قسم التراخيص وامتحان اللغة الانجليزية
    تقيم الفايل بياخد 6 شهور لو ورقك كامل .
    وعشان تعرفي اكتر حاولى تقري كتير عن التمريض فى كندا ودى سهلة اوى عن طريق البحث فى جوجل
    موقع البرتا نفسه اقريه كويس هتطلعى منه بكم معلومات لا بئس به .

    بالتوفيق ان شاء الله

    تهاني

    عدد المساهمات : 37
    تاريخ التسجيل : 11/02/2010
    العمر : 39

    رد: فرص عمل التمريض فى اونتاريوا/ اوتاوا

    مُساهمة  تهاني في الثلاثاء فبراير 16, 2010 1:31 pm

    وبعد ما كل اوراق يستلموها اللى من الجامعة واللى من وزارة الصحة قسم التراخيص وامتحان اللغة الانجليزية
    تقيم الفايل بياخد 6 شهور لو ورقك كامل .

    هل وزارة الصحة فى مصر و الجامعة لها رسوم مقابل انه ترسل الاوراق الى جامعة البرتا . وهل ممكن بعد ان تختم وزارة الصحة و الجامعة الاوراق و يخلصوا شغلهم ان ارسل الاوراق بنفسى لانى بصراحة خايفة انهم يضيعوها او ينسوا ان يرسلوها.



    وزارة الصحة الورقة دي بيخلصوها ب 150 جنية

    ورسوم لعمل مستخرج ترخيص مزاولة منهنة بالانجليزية عشان تبعتيه معاه بحوالى 55 جنية

    وفوقيهم 5 جنية دمغة

    على 20 جنية شاى وفطار للعم اللى هناك وهو هيسلكلك امورك ومش هتاخد وقت .

    لازم يكون معاكى ظرف مكتوب عليه عنوان جامعة البرتا ويكون واضح وصحيح

    لان الاوراق دي هتخلص فى يوم هتسلمية الساعة 9 تستلمية على 12 واحدة بالكتير بس لازم تكونى الصبح بدري هناك

    وبعدين هيحطوا الورقتين فى الظرف اللى معاكى ويروح قفلة وختمة عشان محدش يفتحة الى فى الجامعة

    هتلاقي فى الشارع الخلفي مكتب بريد روحى وابعتية جواب مسجل فيه سريع وفيه عادى

    السريع اللى هو ايمكس ب 150 جنية

    العادي ب 7 جنية اختارى اللى يناسبك المهم انه يكون مسجل وخلاص

    وكذالك فى الكلية هما هيعملوا الورقة وبعدين تبقي تروحلهم بظرف وهما يختمولك عليه وترسلية من مكتب بريد فى شارع القصر العينى على ايديك اليمين بعد سنترال الحكمة بخطوتين لو كنتى خريجة القاهرة اما لو كنتى عين شمس او اى كلية تانية فاكيد انتى ادرى منى بالمنطئة

    ???? ???
    زائر

    هجره كندا فيدرالى رجال اعمال

    مُساهمة  ???? ??? في الإثنين يناير 03, 2011 10:37 am

    ايه شروطها والمده اد ايه على ما يوفقوا بعد تقديم الملف مستوفى الشروط الى السفاره الكنديه بمصر

    le mur

    عدد المساهمات : 103
    تاريخ التسجيل : 11/02/2010

    رد: فرص عمل التمريض فى اونتاريوا/ اوتاوا

    مُساهمة  le mur في الأحد مارس 20, 2011 3:55 pm

    سيبيلي انا الطلعة دي يا مدام تهاني , مع ان الموضوع بيتكلم عن التمريض لكن برضه مافيش مانع نرد بخصوص رجال الأعمال
    شوف يا عادل باشا
    رجال الأعمال تنقسم هذه الفئة إلى ثلاث أقسام :

    ‌أ. المستثمرون : و هم الأشخاص الذين لديهم خبرة سنتين و يمكنهم استثمار مبلغ 400,000 دولار كندي

    مع الحكومة الكندية (و يعاد إليه كامل المبلغ بدون فوائد بعد انتهاء مدة الاستثمار) و على أن

    يكون إجمالي ثروة هذا المستثمر لا تقل عن 800,000 دولار كندي .



    ب. رجال الأعمال / المديرون التنفيذيون Entrepreneurs :
    وهم الشخاص الذين لديهم خبرة سنتين على الأقل في إدارة الأعمال سواء الأعمال الحرة / أو خبرة

    في الإدارة كمديرين تنفيذيين في قطاعات الأعمال المختلفة مع نية تأسيس أو شراء شركة في

    كندا في خلال فترة 3 سنوات من هجرته إلى كندا.


    ج. الأعمال الحرة Self-employed :
    و قد تم تقليص هذه الفئة طبقاً للقانون الجديد بدرجات متفاوتة .


    و أي خدمة يا فندم

      الوقت/التاريخ الآن هو الأحد ديسمبر 04, 2016 7:25 pm