الطريق الي كندا

كل ما تريد معرفته


    هوة صعب الواحد يعمل قرش فى كندا؟

    شاطر

    H.Youssef

    عدد المساهمات : 41
    تاريخ التسجيل : 11/02/2010

    هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:25 am

    السلام عليكم ورحمة الله وبركاته
    الحقيقة كتير بسمع كلمة لو عايز تعمل قرش
    يبقى مش كندا
    كندا للى بيهتم برعاية أسرته
    وتعليمهم تعليم كويس
    انما فلوس
    لأ
    يعنى ايه؟
    هوة صعب ان الواحد يعمل قرش فى كندا؟
    حتى لو تعب وذاكر واشتغل
    برضة فرص الادخار صعبة؟
    اعذرونى لو كنت بتكلم بصراحة
    ونرجو ممن لهم خبرات فى كندا الاجابة
    وشكرا طبعا مقدما سواء كانت الاجابة ايجابية أم سلبية
    انا نفسي بجانب العيشة الكويسة والتعليم المحترم
    أنى أعمل حاجة فشلت فيها فى مصر
    أبقى بيزنس مان ولو على صغير
    الحلم صعب أو غير واقعى؟
    وكندا بس عشان الناس تعيش كويس؟

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:26 am

    والله أنا هقولك رأيي بس الناس اللي في كندا يعرفوا يفيدوك أكثر مني

    الواحد ممكن يحوش في أي مكان ... المعادلة بسيطة دخلك تخصم منه مصاريفك والباقي هو المبلغ اللي هاتحوشه

    يعني لو لقيت نفسك في أي وقت مش بتحوش ممكن يا إما تحاول تزود دخلك أو تحاول تضغط مصاريفك ... وطبعا فيه حدود في الحالتين

    لكن اللي بيحصل عادة لما الواحد بيخرج بره مصر بيلاقي مستوى معيشي مختلف واللي بنعتبره من الكماليات في مصر الناس بره بتعتبره من الضروريات ... فتدريجيا الواحد يبتدي يزيد إنفاقه لحد ما يوصل لوضع يصرف فيه معظم دخله

    على سبيل المثال أنا في مصر كان أول تعييني كمعيد في الجامعة على 300 جنيه (شامل البدلات) وكنت عايش بيهم ومش باحوش طبعا، ولما خرجت بره وبقيت باخذ أضعاف الراتب لقيت نفسي باصرف اللي باكسبه ومش عارف أحوش حاجه، ودخلي زاد أكثر من مره ولسه على نفس الوضع

    أعتقد في كندا الحال هايفضل زي ما هوا إلا لو الواحد غير أسلوب حياته ... يعني يحوش قبل ما يصرف ... أو بعباره ثانيه يخصم مبلغ أو نسبة من مرتبه في إدخار طويل الأجل بعيد عن أيده ... وفيه برامج ادخار وتقاعد حكومية وخاصة تناسب كل المستويات والظروف هناك

    لكن الادخار ده اساسا هايكون زي التأمين الاجتماعي أو ادخار التقاعد ... يعني الغرض منه إنك تلاقي دخل بعد سن التقاعد ... لكن لو عاوز تدخر علشان تبتدي بيزنس فلازم يكون جنبه ادخار من نوع آخر ... وعموما البيزنس ممكن معظم تمويله ييجي عن طريق البنوك أو الشراكات لو عندك فكره كويسه وخبره في المجال

    وربنا يوفقك ويوفقنا معاك

    Ahmad

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:27 am

    اعتقد انك لو لوحدك(( بطولك يعنى)) ممكن تحوش فى اى مكان... مش بس كندا .. انا لما كنت فى مصر وفى بداية حياتى العمليه كنت بحوش تصور .. لانى كنت بطولى ومعنديش اى التزامات او مسئوليات..وكانت اعاشتى من سكن واكل ومواصلات على حساب شركتى وكنت بنزل اجازه من شغلى كل شهرين تلاته .. وحياتى كانت عباره عن شغل ونوم وفرجه على التلفزيون والكتابه والقراءه وبس .... شئ صعب طبعا لكن مش مستحيل!!!

    بس ده طبعا حيتطلب منك تضحيات او تنازلات .. يعنى اعتقد ان اكتر شئ بيلتهم دخل الانسان فى كندا اوربا واميركا وحتى دول الخليج هو المكان اللى حتعيش فيه يعنى لو حتأجر حتى ستوديو حيكلفك الشئ الفلانى وممكن يستهلك تقريبا نصف دخلك او اكتر .. طبعا الى جانب الفواتير المختلفه اللى مفروض تدفعها لوحدك .. يبقى الحل ايه .. ببساطه انك تعيش شيرنج .. يعنى تدور على حجره فى بيت مع ناس كويسه .. واهو يبقوا ليك ونس .. وينفعوا فى وقت الطوارئ .. وبكده انت قدرت توفر مبلغ محترم .. لانك حتتشارك وياهم فى الايجار والفواتير كمان


    تانى حاجه ممكن توفر منها كتير وكمان مفيده صحيا .. هو انك تبتعد قدر المستطاع عن الاكل فى المطاعم والتيك اواى .. لغلوها وضررها الصخى .. وتطبخ اكلك بنفسك .. وبكده حتقدر توفر برده .. الى جانب محافظتك على صحتك


    ثالث حاجه ممكن توفر منها هى السياره .. يعنى او انت لو شغلك قريب وممكن تروح بالمواصلات العامه او مشى او حتى بالدراجه

    يبقى تستغنى عن اقتناء سياره لان مصاريفها كتيره من تأمينات وضرايب ورخصه وكده .. وعلى فكره مش عيب يعنى حكاية الدارجه .. فى هولندا مثلا استعمال الدراجات كوسيلة مواصلات شئ شائع جدا .. يعنى ناس عمليين ودى من اهم الصفات اللى استفدتها من خلال حياتى مع الاوربيين .. انهم عمليين جدا .. ولا يأنفوا من اشياء نانف منها نحن للاسف بلا مبرر .. واهو برده حيبقى شئ كويس ل اللياقه البدنيه ((بس مشكله بقى لو يتدحن ربنا يعافيك لو كنت بدخن زى ما عافانى))


    والاهم من كل ده انك تضع لنفسك برنامج معيشى واقتصادى تمشى عليه ..ومتقلقش البلاد دى غير عندنا .. يعنى فى مصر كل شئ ماشى بالبركه وصعب جدا جدا انك تضع برنامج اقتصادى وتمشى عليه .. لان احنا عندنا مفيش معايير او اسعار ثابته .. لكن بره فى الدول المتقدمه فيه ثبات نسبى للاسعار وخلافه من عناصر الحياه

    اتمنى اكون افدتك بمداخلتى وتجربتى الحياتيه .. يمكن حاليا انا حياتى اكثر رفاهيه لانى تقريبا حققت جانب لا بأس بيه من طموحى المادى ((مستوره يعنى والحمد لله)) .. والحمد لله ان تعبى كان فى الاول .. وكن على ثقه اخى الفاضل ان اللى بيتعب فى اول غربته وبيكافح بجد واخلاص .. بيرتاح بعد كده وبيجنى ثمار تعبه باذن الله

    مع خالص تحيتى

    التونسى

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:28 am

    مبدئيا اللى بيعرف ازاى يحوش ، ممكن يحوش لو كان مرتبه 100 جنيه

    واللى مابيعرفش يحوش مش ممكن يحوش لو مرتبه 100 الف جنيه

    والمعتدل بيحاول يضبط ويوازن بين دخله ومصروفاته.

    الشخص الذى يسعده ان يرى مدخراته تنمو وتكبر ، بلا شك سيكون ذلك على حساب اشياء اخرى سيعتبرها كمالية ، والعكس بالعكس طبعا.

    فى كندا ستجد اناسا يوفرون طول العام كى يستمتعوا بفسحة جميلة فى نهاية العام ، رأيت اناسا يوفرون لمدة عشر سنوات لزيارة اوروبا او مصر او اسرائيل

    رأيت اناسا يستثمرون اموالهم فى التعليم ، انت تعرف ان التعليم هنا ليس مجانى وغير محدد بسن معين ، فتجد بعض الافراد معه اكثر من بكالوريوس ، وماجستير ودكتوراه

    البعض يستمتع بركوب سيارات غالية احدث موديل يظل يدفع فى اقساطها سنينا ، ليشتر اخرى بمجرد انتهاء اقساط القديمة وهكذا

    البعض يضع نصب عينيه ان المال انما اخترعوه كى يتم اكتنازه ، والبعض يرى ان المال ماهو الا وسيلة للاستمتاع بانفاقه

    فقط اريد ان اقول انه سواء كان الدخل 100 او 100 الف ، فيجب ان يعرف الادخار طريقه الى ذلك الدخل. واصدقك القول انك مطالب فى كندا اكثر من مصر بأن تدخر كل مايمكنك ادخاره.

    ولا اجد افضل من وصية لقمان لابنه المذكورة فى القرآن


    إقتباس
    وَلَا تَجْعَلْ يَدَكَ مَغْلُولَةً إِلَى عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا

    Mahammad

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:28 am

    لي راي
    هو في كندا احوش ليه

    مستقبل تعليمي مضمون لاولادي ووظائف في سوق عمل حر ولا واسطة ولا عم الصبحان
    يعني ايه لازمة التحويش
    احنا بنحاول نحوش هنا من اجل المستقبل الغير مضمون انما في تلك البلاد النحويش كهدف مش مطلوب
    هو ممكن الواحد يحتهد من اجل رفع مستواه المعيشي فقط

    Qenawy

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:29 am

    أولا وقبل أى شيئ ألف شكر لجميع الأفاضل المحترمين اللى تقدموا برأيهم ومشاركاتهم
    ثانيا
    احب أوضح نقطة
    انا قصدي بعمل القرش
    مش بس الادخار ولو ان مش عيب
    انا قصدي هل الواحد ممكن يكبر شوية بشوية ويعمل بيزنس خاص بيه
    من خلال أى نشاط تجارى أو غيره؟
    ولا مهما زاد دخله
    برضة المصاريف عالية؟
    ومش هيعرف يكبر رصيده فى البنك عشان يعمل بيزنس كويس؟
    أعتذر لو كنت لم أحسن التعبير عما فى بالى
    وكل الامتنان لكل الأخوة اللى شاركوا ونورونى بآرائهم

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:30 am

    انا من رأي الدكتور الفاضل قناوي

    احنا مهاجرين كندا مش علشان نحوش ونرجع بقرشين وبسبور كندي............؟؟؟؟

    احنا عايزين الامان والتعليم والديمقراطية .... واحترام ادمية الانسان......

    من الاخر كده الواحد عايز يعيش بني آدم باقي حياته......بدون وساط{ او محسوبية،،،،،او اهدار كرامة...... او نصب واحتيال من اللي حواليك...... او فردة غصب عنك

    من كل من تقابلهم.... ابتداء بعسكري المرور..... للبقال.....لاي صنايعي يعمل لك اي شغلة بسيطة..... غير الشحاتين...... والكناسين......... يووووووووووووواه اقول ايه ولا ايه؟؟؟؟؟

    التعليم البايظ والمدرسين الخصوصين المفتريين...... الصحة والمستشفيات الحكومية،،،،او الاستثمارية......... يااااااااااااااااه..... كفاية كدة

    وطبيعي لكل مجتهد نصيب...... لو اجتهدت في شغلك في بلد زي كندا مفيش فيها بلطجة ولا فردة ولا وسطة ولا محسوبية....اكيد ح تقدر تعمل مشاريع ،،،،،،،، وتحوش

    somaya

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:32 am

    انا كلامي من تجارب الاخرين
    ناس كتيرة كانو شغالين في شركات ادوية راحو هناك
    ويدوبكك على الجنسية ورجعو
    معتقدش ان هناك مبدأ التحويش دة شغال زي الي في الخليج
    المعادلة مختلفة تماما ...
    وعشان كدة ناس بترجع على الخليج تاني
    عموماااا
    الخليج معتش كويس لكل الناس زي الاول
    وفي ناس كتيرة معتدش عارفة تحوش اي حاجة
    الحياة غالية والرواتب ضعيفة والخليج نفسه مش متقبل اي وافدين
    زي الاول
    المستقبل هناك في كندا مش في الخليج باي حال من الاحوااال

    maged

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:34 am

    البلد مشجعه على الاستثمار

    بل فيه كمان مكاتب حكوميه بتعملك دراسة الجدوى ببلاش

    و بتقدم النصايح و حاجات كتير


    المهم ان الواحد يعرف ايه امكانياته و يختار المشروع المناسب

    بصفتي راجل مالي فممكن اقولك ان اغنى البلاد و افضلهم في فرص الاستثمار ممكن يفشل فيها مشاريع
    و العكس صحيح

    شوف انت ممكن تبقى فاهم في اي مجال اكتر
    و شوف امكانياتك ايه
    و ادرس وضعية المشروع و الفييزابيلتي ستادي بتاعته بما فيها ظروف البلد و ظروف الزباين فيه و رغباتهم و التيندانسي بتاعهم

    و اتكل على الله
    mzoheiry

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:34 am

    أستاذ حسام انا لقيت لحضرتك اللينك يمكن يفيد حضرتك
    http://sbinfocanada.about.com/

    masreya

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:35 am

    حد عنده فكرة جديدة ممكن يبدأ بيها المهاجر بيزنس ولو صغير؟
    الكل مدعو

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:36 am

    ممكن تشترى منزل اوبن هاوس وهو عاده بيبقى مفتوح وكبير وتقسمه من جوه حجرات نوم وتعمله بنسيون

    وتأجره للى بيعملو لاندنج بس بسعر رخيص بدل الفنادق الغاليه اللى تقصم الوسط

    وممكن كمان يكون عندك سياره توصل بيها الناس يعملو البى ار او رخصه السواقه او او

    ولما يخلصوا تعملهم رحلات للاماكن المختلفه
    والمهم السعر يبقى رخيص علشان تجذب زباين
    Ihab

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:38 am

    بصراحة موضوعك بيشد ..لأننا كلنا بنفكر كده ..بنفكر بعدين ..بعد الموافقة والفيزا ..حنعمل ايه ...انا ومراتي من ساعة ما خدنا الموافقة بنفكر بكده ...طبعا بكل مشروع ناجح المهم الفكرة الجديدة ..بس هي فين ..ماهما بيسرقو اللحمة (زي ماقال سير غانم بمسرحية البويه جي ) ..او الاستفادة من افكار ناجحة لم تستهلك بعد ...وطبعا اولا وآخرا ..النظر إلى امكانياتنا ..والاشيا اللي بنعرفها ...يعين مثلا..أنا اشتغلت لما كنت صغير وحتى سنتين تلاتة بالجامعة فران ...يعني بفرن خبز عربي ..وصار عندي خبرة بالموضوع ده ..ممكن افكر افتح فرن خبز عربي ..وكمان عندي مراتي بتطبخ طبيخ هايل ...ونحنه الحلبية (سكان مدينة حلب بشمال سوريا معروفين بطبيخنا اللذيذ) ..يعني ممكن نفتح مطعم للطبخ الحلبي ..ده بالنسبة للمشاريع الصغيرة ...يعني برايي زي ما قلت ..فكرة جديدة (ودي طبعا لازم تكون من خبرة بحاجات المجتمع الكندي ) او فكرة ناجحة سابقة ..لم تستهلك بعد ...والأهم ..من ده كلو ...نعرف امكانياتنا (التعبانة ..كوننا كلنا بتوع دراسة ..) ..ونشتغل على اساسها ..شو رايك ؟؟؟
    mazen

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:39 am

    اهلا بيك يا عم مازن
    نورت الموضوع بوجودك مرة
    وبأفكارك مرة تانية
    هوة بالعفل كلامك كتير صحيح بيأكدهولى أصدقائي في كندا
    اللى بيقولولى دايما أنجح بيزنس ومضمون ربحه
    البقالة
    والمطعم
    وكتير من الاخوة اللبنانيين عندهم خبرة كويسة ونشاط رائع فى المجال
    هوة يمكن هيحتاج رأسمال ولو صغير فى الاول
    ولو قريت اللينك اللى حطيتها الأخت مصرية ومغتربة
    هتلاقي فكرة مشروعك فى جدول أحسن 10أفكار بيزنس في كندا
    أهلا بيك مرة تانية فى التوبيك

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:40 am

    بسمع بقالى فترة عن العمل من المنزل
    كداتا انترى
    وتايبينج
    وغيره
    ياترى حد عنده فكرة عن جدوي الأفكار دي؟
    وياترى حد سمع عن مفهوم الاي كوميرسE-commerce
    ?

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:40 am

    السلام عليكم,
    لو حضرتك بتتكلم بالنسبة لكندا - و امريكا ايضا - طبعا الموضوع ده موجود و حقيقى.. لكن المشكلة ان احيانا بيبقى فيه نصب كتير فى الموضوع ده.. و موضوع ال home at work دخل فيه ناس نصابين كتير هما اللى بوظوا الدنيا.

    انا عن نفسى بشتغل من البيت.. و عامل شغل جامد الحمدلله و بيدخل لى دخل كويس جدا نسبيا مع المرتبات اللى فى مصر. لانى بشتغل مبرمج و مطور مواقع من عالنت.

    بالنسبة للتجارة الاليكترونية.. الموضوع منقسم لبسيط و صعب.. بالنسبة لو شغل بسيط.. كل اللى بتعمله انك تفتح حساب تاجر merchant account عشان تقدر تقبل الكريديت كارد من عالنت.. و تحول الفلوس لحسابك فى البنك مباشرة بمجرد ما الواحد يدفع من عالموقع بتاعك. و طبعا انت بتكون بتبيع خدمة او كتاب او اى منتج حضرتك بتبيعه.. زى اى موقع موجود للبيع فى الدنيا.. amazon, bestbuy, and all of that bla bla bla

    فيه بقى حاجات تانية معقدة فى التجارة الاليكترونية.. لكن حضرتك ملكش دعوة بيها مؤقتا. طبعا التجارة الاليكترونية ليها عيوب.. زى ال fraud.. سواء كان ان حد يشترى بكريدت كارد مضروبة.. او لاما ناس بتستهبل و ترجع البضاعة مثلا او تقول انهم مستقبلوش البضاعة.

    الموضوع كبير شوية.. و لكن فى رأيى انه بسيط.
    طبعا حضرتك مش هتقدر تعمل الموضوع ده الا و انت فى كندا باذن الله.
    بالتوفيق باذن الله.
    myusername

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:42 am

    فكرة التجارة الاليكترونية باختصار شديد.. هو ان يكون عند حضرتك محل عالنت. طبعا طبيعة المحلات بتختلف.. ممكن ميبقاش محل, ممكن يبقى مكتب مثلا!

    يعنى.. الفكرة كلها ان حضرتك بتبيع حاجة عالنت.. الحاجة دى ممكن تكون بضاعة, و ممكن تكون خدمة.
    انواع البضايع.. لاما بضاعة بتتشحن.. و دى بضاعة مادية - يعنى ملموسة, لأما بضاعة ديجيتال.. و دى زى الكتب الpdf او تقرير مثلا او فيديو.. يعنى مثلا حضرتك تشترى كتاب, و بعد ما تدفع من عالنت يوصلك ايميل فيه لينك تحمل الكتاب منه.

    و طبعا بالنسبة للخدمات.. فيه أمثلة كتير منها, مثلا خدمات زى البرمجة و تطوير المواقع.. او بيع البرامج.. او مثلا الاستشارات القانونية و الترجمة.. و حاجات من دى كتير ياما.

    و فيه خدمات من نوع تانى.. مثلا ان حضرتك تعمل فيديو تريننج video training و بتشرح فيه مادة معينة.. طبعا الشرح بيبقى بالانجليزى, و حضرتك تعمل سيستم تخلى الناس تشترى اشتراك شهرى بحيث انهم يقدروا يدخلوا لمدة شهر مثلا على الفيديو و يتفرجوا عليه اونلاين. الموضوع ده جامد و ماشى زى السمسمية.

    دى فكرة مختصرة جدا عن التجارة الاليكترونية. و الله اعلى و اعلم.
    myusername

    H.Youssef

    عدد المساهمات : 41
    تاريخ التسجيل : 11/02/2010

    رد: هوة صعب الواحد يعمل قرش فى كندا؟

    مُساهمة  H.Youssef في الثلاثاء فبراير 16, 2010 11:43 am

    ده لينك عن الأعمال فى كندا
    والمساعدات اللى بتقدمها الحكومة الكندية لاقامة مشاريع هناك

    http://www.canadabusiness.ca/eng/

      الوقت/التاريخ الآن هو الأحد ديسمبر 04, 2016 7:22 pm