الطريق الي كندا

كل ما تريد معرفته


    ازاي نربي ولادنا لما نروح كندا؟

    شاطر

    ابو اياد

    عدد المساهمات : 16
    تاريخ التسجيل : 14/02/2010

    ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 8:57 am

    الأخوه الأعزاء
    طاب صباحكم
    العنوان واضح و محتاج مداخلات ذوي الخبره و اللي عندهم اولاد و عاشوا في كندا
    هل اضطروا لبعض التنازلات؟
    ولا كثير من التنازلات؟
    و لا متنازلوش خالص؟
    سمعت حاجات غريبه ميصحش الواحد يحكيها هنا
    هل اللي سمعته ده بيمثل نسبه كبيره لأولاد الشرقيين و العرب و المسلميين في كندا؟
    أفيدونا

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 8:58 am

    ودي كانت الردود :


    نانسي :
    شوف
    انا اختى فى كنده وعندها بنتين وولد البنات محجبات رغم انهم 12 و9 والولد بيصلى فى المسجد وعندة 13 سنة وهى محجبة زى السعودية يعنى طرحة وعباية سودة على طول
    وعايشين فى كيوبيك
    فهى مودية الولاد مدرسة عربى يوم الاحد الى اجازة وطول الاسبوع فى مدارس عادية
    وبعدين العالم بتاعهم هما اصدقاء الجامع والحلقات
    فانت ممكن تعمل العالم بتاعك زى ما نت عايز
    هناك فية حرية انك تكون متدين او لا وهما هناك حيحترموا اتجاهك ايان كان
    فمتقلكش كل الموضوع عليك وعلى مامتهم
    ونوعية الاصدقاء الى حتخترها هناك
    ولو رايح كيوبيك اخليك تتعرف علىاختى واخويا ويدلوك على طبيعة حياتهم هناك
    وربنا يوفقك

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:08 am

    هامر :

    هي مهمة فعلاً صعبة ...

    فتأثير المجتمع بيكون في حالات كتير أقوي من تأثير الأسرة

    هو في حاجة بوظتنا إلا الصحبة الحلوة

    المشكلة كمان إن الأولاد بتقضي وقت طويل خارج المنزل و طبعاً الأمر لن يخلي من بعض التواصل الإجتماعي مع الزملاء .

    و طبعاً الرقابة اللصيقة هنا غير ذات جدوي في حالات كثيرة لصعوبة التطبيق و أعتقد إن ما فيش حل للمواضيع دي إلا خلق ضمير صاحي للأولاد يتولي هو عملية الرقابة ... و ما فيش أضمن في المواضيع دي من الوازع الديني مع محاضرات مكثفة مدعمة بالقدوة و المثل من أولي الأمر ( اللي هو حضرتك )

    و ربنا يعينك و يعينا علي هذه المهمة الصعبة

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:09 am

    وجدي :

    زي ما حتربي ولادك في مصر ربيهم في كندا.... والقصص إلى تشيب إلى سمعتها لو فكرت شوية حتلاقى نفسك سمعت زيهم ويمكن أسوأ في مصر... وأنا أعرف نماذج لناس كتيير أوي أولادهم ما شاء الله زي الفل وحاجة تفرح... وأنا في رأيي الشخصي المتواضع إلى ممكن ناس كتير تختلف معايا فيه إن أسهل تربي هنا في مونتريال مثلاً عن ما تربي في القاهرة... المهم مين بيربي وإزاي... مش فين...

    بقولك إيه... سيبك إنت... إلى بيتقى ربنا، ربنا بيبارك له في عياله...

    وإبقى جيبلنا معاك شوية بسطرمة بلدى وأنت جاي...


    عدل سابقا من قبل ابو اياد في الأحد فبراير 14, 2010 9:10 am عدل 1 مرات

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:10 am

    سندريللا :
    انت اللي بتربي مش البلد اللي حواليك
    حريتك محفوظة ..........وزيادة تعمل اللي انت عايز تعمله
    انا اولادي في حضانة وبصراحة انا باعاني معاناة قاسية مع ابني في تحفيظ القرآن ...
    علي العموم لو اولادك صغيرين ...في مدارس عربي ومدارس لتحفيظ القرآن ايام السبت او الاحد

    لو عندك مدموزيل في سن المراهقة هي دي اللي تتكلم معاها ...لانها في مدرستها بتشوف وبتبص وبتتسئل
    انا لي واحده صاحبتي بنتها في الصف الثامن ..في المدرسة هنا في حصص للسباحة فطبعا مش حتقدر تلبس مايوه ..والدها جاب لها اذن او شهادةمن دكتور انها ما تقدرش تنزل المية...المهم طفشوها في عيشتها ..فاكرين انها مجبرة علي عدم نزول البيسسين....او لبسها للحجاب...لغاية ما اقتنعوا في النهاية.

    لو عندك شاب ..هنا في كنترول كبير بمعني ..........البلد هنا مفتحة عنيها اوي علي الاولاد


    خلاصة الكلام....ابنك او بنتك من دلوقتي ..سواء كانوا كبار او صغيرين ...مفيش امامك غير لغة الحوار والاقناع
    يعني تتكلم معاهم ليل نهار وتحضر الحجة لاقناعهم ..ا
    حنا مين .....وبنعمل ايه ...وهدفنا ايه ( ارهاب طبعا )؟


    بس اجمل حاجة هنا فعلا .....انك بتربي... بتلاقي
    تزرع........ تحصد
    ما تقلقش...........هنا اسهل من هناك

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:11 am

    مستر باشا :

    انا رح ارد عليك كيف

    طريقة صحيحة كيف تربي ولادك

    اول شي تخليهم في كندا عادي لما يصير عمره 12 سنة
    توديه على مصر
    يقعد فيها لحد قبل ثانوية العامة
    وترجعه

    بكون وقتها تعلم عادات العربية ودينية
    ويرجع احسن ما يكون متربي في كندا

    ترباية في كندا صعبة جدا جدا او الاغلب مستحيلة

    يعني انا في تورينتو واخت مرتي عمرها 9 سنين
    احنا في بلادنا نستحي نرفع صوتنا على كبير
    هي عادي وحنا نحاول نعلمها غلط
    تروح على مدرسة في مدرسة بعلموها ماتخلي حدا يرفع صوتك عليه ووووو بعلموها كل شي بالك واهم شي انه حكومة معها هاد اهم درس


    طريقتي احسن شي
    تقبل مروري

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:12 am

    نهر النيل :

    الموضوع فعلا مهم جدا


    انا هنا شفت عائلات كتيرة عرب كنديين بيرجعوا بأولادهم وهم في سن المراهقة الاعدادي والثانوي يعني

    وبعدين يرجعوا على الجامعة في كندا

    بس اللي انا ملاحظاه اكثر ان فتيات العائلات دي محجبات ما شاء الله


    بس انا برضه بفكر في شئ

    العائلات دي تقريبا اولادهم اتولدوا هناك او على الاقل قضوا جزء كبير من طفولتهم هناك عشان كده كانت فكرتهم انهم يرجعوا لبلاد عربية عشان اولادهم يتطبعوا بطبع العرب


    لكن في منا اللي اولاده عدوا 10 سنوات اقل شوية اوزيادة شويه وبالفعل الابناء دول اخذوا جرعة كافية من الطباع والتقاليد الشرقية يعني مع سفرهم في العمر ده وعلى ما يعرفوا يتواصلوا مع المجتمع الغربي

    هيتكون شخصيتهم اتكونت فعلا مع اهتمام العائلة بتنمية الحس الديني والاخلاقي وكذلك حس الحوار الذي لا يخلوا من احترام الصغير للكبير كما تربينا نحن


    يعني ان المشكلة دي ممكن تكون اقوى مع الاطفال الذين لم يتجاوزوا الخمس سنوات او اللي هيتولدوا هناك

    في الحالة دي اعتقد ان قرار الرجوع لبلدك او اي دولة عربية اخرى في عمر الاعدادي والثانوي هو قرار حكيم ان شاء الله


    الا من رحم ربي

    وربنا يعافينا ويعافي اولادنا من كل شر

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:13 am

    ناصر :

    التغيير سُنة الحياه

    واللي قبل انه يهاجر الي اي بلد مختلفه في عاداتها وتقاليدها عن عاداته وتقاليده اللي اتربي عليها

    شخص اخذ قرار بسرعة التغيير في شكل الجيل الثاني والثالث من اسرته

    ولازم يتقبل هذا التغيير

    وإلا هيشعر بالندم لمجرد انه حس باختلاف في طريقة تفكر ابناؤه عنه

    احنا بنلمس الفارق في اسلوب التفكير ونمط الحياه بين جيلنا وجيل آباؤنا وطبعا جيل اجدادنا

    ولكن طول الفترات الزمنيه اللي حصل فيها التغيير بيخاينا لانشعر به بشكل قوي في حياتنا

    لكن لان التغيير في اسلوب الحياه والعادات والتقاليد السريع اللي هنلمسه في حيات ابناؤنا بسبب هجرتنا

    هيخلينا نشعر بفارق كبير

    زي اللي يكون ماسك كبايه ساقعه وبعدين يمسك كبايه سخنه جدا

    الاستعداد وقبول فكره ان ابناؤنا هيكونوا مختلفين عننا بشكل سريع هو الحل لعدم الشعور باي الم نتيجة التغيير السريع

    طبعا انا كلامي ليس معاناه تغيير في الدين

    وانما قد يمس التغير نمط معالجه الامور الدينيه

    ابو اياد

    عدد المساهمات : 16
    تاريخ التسجيل : 14/02/2010

    رد: ازاي نربي ولادنا لما نروح كندا؟

    مُساهمة  ابو اياد في الأحد فبراير 14, 2010 9:14 am

    رامي :

    أولا يا جماعة لا يوجد أحد مننا عنده عيال و مش قلقان عليهم و على مستقبلهم سواء فى مصر أو فى أى بلد أخر

    المشكلة دى فطرية يعنى قلقنا على أولادنا شىء طبيعى

    لو فكرنا بالجيل الذى سوف يحافظ على عادتنا و تقاليدنا و كم جيل من بعده فأنا شايف انه التفكير ده غلط لسبب

    لو تخيلنا مثلا ان الجد العشرين لى كان من الأولياء أو متدين لدرجة الصحابة مثلا و هاجر من مكة أو المدينة و جاء الى مصر أو لبنان و علم أولاده التدين و الدين السليم

    و فى وسط المشوار أحد من الأحفاد بعد ما مات الجد انحرف عن الطريق بسبب سوء تربية الأب مثلا هل سيحاسب الجد على هجرته و تركه المدينة أو مكة؟ أكيد ده مش منطق

    و العكس هل الصحابة رضوان الله عليهم سوف يحاسبون على الخلل الأخلاقى الموجود الأن فى شبهه الجزيرة العربية

    أنا أقصد ان ربنا سبحانه و تعالى لم يحرم الهجرة الا انها تكون لبلاد الكفار خوفا من تركنا لديننا و طالما يوجد فى كندا أكثر من مليون مسلم و فى تزايد

    و مش كده و بس لأ ده فيه مسيحيين شرقيين و لهم نفس عادتنا و كثيرون فى كندا و بالأضافة الى حرية الدين التى تسمح بها كندا الا القليل من المتشددين و الغير محبين للأسلام

    فواجبنا اننا نربى أولادنا و نزرع فيهم التدين و حب و احترام الغير من أجل أن يحترمك الأخرون و على فكرة الأخلاق هى الدين الرسول عليه الصلاة و السلام قال ( أقربكم منى مجلسا يوم القيامة أحسنكم خلقا ) صدق رسول الله

    و يمكن تخوفنا كلنا بما فيهم أنا من ان أولادنا و أحفادنا يذنب و نحمل نحن كل هذه الذنوب يمكن يكونوا على خلق عظيم و يكونوا مرأة جميلة للاسلام و سفراء عظماء للأسلام و نحمل عندئذ معهم حسانات و دعوات

    ابشروا خيرا ان شاء الله

    و هذا رأيى الشخصى و الله أعلم

      الوقت/التاريخ الآن هو السبت ديسمبر 10, 2016 9:09 pm