الطريق الي كندا

كل ما تريد معرفته


    البحث عن منزل في كندا

    شاطر

    E.Salem

    عدد المساهمات : 15
    تاريخ التسجيل : 11/02/2010

    البحث عن منزل في كندا

    مُساهمة  E.Salem في الأحد فبراير 14, 2010 6:35 am

    السؤال كان كده :

    اخوتى و اخواتى اعضاء المنتدى الكرام
    لاحظت ان كثير من اعضاء المنتدى الكرام قد وضعوا مواقع للبحث عن ايجار منزل جديد او شقة او فندق او بيت شباب
    و لكن ماهى اجراءات الشراء بنظام التمويل العقارى؟
    اسمع ان من يريد الشراء يذهب الى البنك ليقوم نيابة عنه بدفع باقى المبلغ بعد فحص حالته ثم تقوم انت بتقسيط المبلغ على اقساط للبنك

    فارجو ان نعرف اجراءات الشراء


    الردود بقي

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:36 am

    ليس لدى معلومات عن الشاء و لكن هذه مواقع للايجار
    اذهب الى احد هذه الروابط لاستأجار الشقه
    http://www.rentedmonton.com/Default.aspx
    http://www.offcampushousing101.com/
    http://www.extension.ualberta.ca/faculty/index.aspx
    http://www.homestayfinder.com/Default.aspx
    http://www.gotransglobe.com/
    http://www.viewit.ca/vwOntario.aspx

    البحث عن سكن
    http://www.torontorentals.net/

    بيوت شباب و hostels
    http://www.hostels.com/ca.on.to.html
    http://www.hihostels.ca/
    البحث عن سكن
    http://www.torontorentals.net/

    بيوت شباب و hostels
    http://www.hostels.com/ca.on.to.html
    http://www.hihostels.ca

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:36 am

    من خبرات الدكتور الشامى

    إقتباس
    .سيادتك تشرف و تختار المدينة...
    و الحى اللى حابب تسكن فيه...وطبعا بيحكمك فى كده مدارس الاولاد و مكان عملك...

    واذا تراءى لك ان الأمور مستقرة بتبدأ فى البحث عن شراء منزل حسب امكانياتك....و تروح البنك...و يستحسن يكون معاك مقدم معقول عشان تقلل الأقساط وقيمة الفائدة اللى بتكون على 25 سنة مثلا أو حسب ما تختار.

    تأثيث البيت مش مشكلة ...لو حابب أثاث جديد موجود ...وحتى المستعمل بتكون حالته جيدة... العثور عليه سهل من الاعلانات أو النشرات و الجرائد المجانية المنتشرة على ناصية كل شارع فى المدن الكبيرة.... و يمكن كمان انتظار ما يسمى بال Garage Sale كل سبت و أحد بيكون فيه حاجات حلوة....

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:36 am

    http://www.hometrader.ca/

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:37 am

    ا/ ايهاب
    هل شراء بيت هو الحل الامثل في كندا؟
    فمثلا عندنا في مصر ربما تجد شخصا يولد في مكان وكذلك فتره شبابه يقضيها في نفس المنطقه ويعمل في هذه المنطقه بعد تخرجه ويمضي بقية حياته في نفس المنطقه
    ولكن اعتقد ان رتم الحياه في كندا مختلف قليلا من حيث الاستقرار في مكان واحد وبالتالي شراء منزل ليس بحل مثالي ام انا مخطيء في تفكيري؟



    إقتباس
    كل سنه و حضرتك طيب يا عبد العزيز و الله اكرم

    بالنسبه لسؤالك

    هنا مفيش "بناء بيت" بالمعنى المتعارف عليه في المدن الجديده في مصر .. هنا انت لا تشتري أرض و تبنيها بمعرفتك بالشكل اللي يعجبك مع مقاول إنت تختاره

    هنا البيوت زي نظام "الرحاب" و "مدينتي" كده في مصر .. أنت تتعاقد على شراء بيت جديد ضمن مشروع كبير و تختار شكل بيتك من ضمن مساحات و أشكال و تصميمات متعدده .. تدفع مقدم و الشركه تبني و بعدين تستلم و تدفع الباقي مع البنك بالتقسيط بحد أقصى 35 سنه
    من وجهة نظري شراء بيت جديد أفضل من شراء بيت resale من شخص اخر
    كل منهم له سلبياته و إيجابياته و لكن تقديري انا الشخصي إن إيجابيات البيت الجديد أكتر من سلبياته و فيه ناس وجهة نظرهم معارضه
    ميزة البيت الجديد الأساسيه إنك بتفصله على كيفك (في حدود طبعا) و بتختار كل تفاصيله و إنك أول إنسان يعيش فيه بالإضافه لعدم إحتياجك للصيانه فتره طويله كمان بتكون محمي بضمان .... عكس البيت الذي تشتريه من شخص اخر و الذي لو ظهر فيه عيوب مخفيه بعد نقل الملكيه فلا يتحمل المالك السابق المسؤوليه

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:37 am

    ايهاب سالمAug 28 2009, 07:29 AM
    إقتباس(حسام يوسف @ Aug 25 2009, 09:57 PM)
    طيب ممن تشرحلنا ان كان وقتك يسمه يا كنج التسهيلات المقدمة فى شراء البيوت
    يعنى نظام التقسيط وفترة السماح قبل أول قسط وهكذا
    سبق وان حضرتك اديتلنا فكرة بس لو ممكن بتفصيل أكتر نكون شاكرين جدا
    وكل سنة وانت طيب


    و إنت طيب يا حسام
    التسهيلات هي إنك ممكن تدفع 5 % فقط من ثمن البيت مقدم .. أقل من كده غير مسموح .. كان من فتره بسيطه ممكن متدفعش مقدم خالص و تاخد تمويل بكامل قيمة البيت لكن تم تعديل القانون
    التسهيله التانيه هي إنك ممكن تمول البيت على 35 سنه و دي برضه كانت زمان أربعين
    فيه انباء إنهم عايزين يرفعوا المقدم إلى 15% و يخفضوا المده إلى 25 سنه بس طبعا مش دلوقتي خالص .. بعد ما الكساد ينزاح لأن ده سوف يقلل الطلب طبعا و ده مش مطلوب خالص في وقت كساد إقتصادي

    مفيش فترة سماح ........
    هتسكن في البيت يعني هتدفع من أول يوم

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:38 am

    إقتباس(حسام يوسف @ Aug 28 2009, 05:37 PM)
    هوة لو كمان ممكن تدينا أمثلة بأسعار فى مكان أو أكتر
    تبقى أنت كدة كتر ألف خيرك قوى قوى لو وقتك سمح



    هيلب يور سيلف

    للبيوت ال resale

    يعني مش جديده

    يعني بتشتري من أفراد

    http://www.realtor.ca/index.aspx?cul=1






    للبيوت الجديده

    يعني بتشتري من شركات

    يعني أجدع ناس

    http://www.mattamyhomes.com/GTA/

    http://www.greenparkhomes.com/

    http://www.aristahomes.com/

    http://heathwood.com/index.php

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:41 am

    ياتري ايه هي افضل الاماكن للسكن الموجودة بتورونتو وقريبة للداونتاون حيث اني اعمل بالداونتاون وسكني بسكاربرو ولا تعجبني المنطقة الي ساكنة فيها وحابة انقل

    ياريت من خبراتكم حد يفيدني


    طالما حاسة إنك محتاجة تستقري قرب الداون تاون ، مش هاعرف أفيدك غير من خلال تجربتي...

    منطقة Yonge & Eglinton أكتر من رائعة.

    توقعي شقة ون بدروم مش هتقل عن ألف دولار ، والباتشيلور في حدود الـ 900 ، والتو بدروم بنتكلم في 1400. وممكن شقة ون بدروم تدفعي فيها 1500 دولار... كله على حسب المكان ، والعمارة والكماليات اللي في الشقة (زي الغسالة والمجفف والتشطيب).
    وممكن تستقري في الداون تاون نفسه ، بس توقعي أسعار أعلى ، وهتبقي جمب اللبش كله!

    بالنسبة لمنطقة يانج آند إجلنتون دي ، خطوات بينك وبين كل حاجة ، والصابواي فركة كعب ، كلها بتاع 5 محطات وتكوني في قلب الأحداث في الداون تاون...

    تهامي

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:41 am

    نيجي لتدويرنا عن الشقة ...

    كنا بنعتمد في البداية على الإعلانات في الجرايد (من أبو بلاش) ، أو شركات السماسرة (خصوصاً إن ف العمارة اللي جمبنا – أيام إيلما جِست هاوس – كان فيه شركة من دول).
    لكن بعد كام يوم ؛ لقينا إن أحسن حاجة إنك تروح المنطقة اللي تحب تسكن فيها ، وتدخل على أي العمارة ، وتتصل بالإنتركَم اللي تحت بالسوبر انتندنت (مندوبة الشركة اللي ماسكة إدارة العمارة) ، وتسألها على شقق فاضية.
    وبصفة عامة ؛ العمارة اللي فيها شقق فاضية بتلاقيهم حاطّين إعلان أمام المبنى ، برضه تدخل ع السوبر انتندنت وتستفسر منها ؛ وتاخدك تفرجك ع الشقة ، وتعرف منها كل التفاصيل. ولو قررت خلاص إنك عاوز الشقة ؛ بتديلك أپليكيشن تملاها ببياناتك ، وطبعاً السِن نَمبر ، وهمه بعد كام يوم هيردوا عليك ، ولو أوكيه ؛ تروح تمضي عقد الشقة ، وتدفع شهرين من الإيجار (الشهر الأول – مقدماً يعني – والشهر الأخير – بمعنى آخر شهر ليك ف الشقة أبل ما تسيبها مش هتدفعه).

    ومفيش طبعاً قصة شهر ولا شهرين التأمين السافلة اللي بنعملها ف مصر! مانتا اللي هتبوّظُه هتصلحه قبل ما تمشي! مفيش حاجة اسمها تخلع وتدبّسُه في الإصلاحات (ما تنساش الكريديت بيرو)!

    مقارنة كده ع السريع بمصر... الراجل اللي كنت مأجّر منه الشقة بتاعت مدينة نصر كان واخد شهرين تأمين (3.400 جنيه) ، لما جيت أمشي – كتّر خيره بصراحة – رجّعلي شهر وأخد شهر! عشان أنا بهدلت الشقة وعملت خروم ف الحيطة! شوية المسامير اللي دقّيتهم عشان البراويز والساعات والستاير هيكلفوه 1.700 جنيه! عمار يا مصر!


    زي ما قلتلك... البداية كانت ف العمارة اللي جمبنا في سكاربرو. دخلنالهم ؛ وإدونا عنوان شقة في الداون تاون (وسط البلد يعني) ، وكانت في كينج ويست (حتة قريبة جداً م الـــ Harbour-front ؛ قريبة من شاطئ البحيرة يعني). رحنالها ، وقابلنا السوبرانتندنت ؛ ست عجوووووووووزة موووووووت ، وتشوف الدلع اللي مدلعاه لنفسها ، وحاطّالي روچ ومانيكير وباديكير أحمر! الله يرحمك يا تيته! وشفنا الشقة ، كانت مش بطالة ، ومفروشة موكيت ، ولسه مدهونة. وكان إيجارها في حدود الــ 900 دولار. ما كناش عاوزين نعدي الألف دولار في الشهر. المهم أخدنا من الست أپليكيشن ، وقلنالها هنملاها ونجيبهالك.


    وعدينا على عمارة تانية ف المنطقة دي برضه (كينج ستريت ويست). واحنا رايحين لها ؛ شفنا ناس فارشين ملاية ولا بطانية ع الأرض ، وبيبيعوا حاجات قديمة من عندهم (عجلة بايظة – أطباق قديمة – أجهزة مستعملة قديمة) ؛ حاجات تحس إنك ممكن تشيلها كلها على بعض بـــ 10 دولار ولا حاجة! قلت حلاوة... البيت باين من عنوانه!
    شوية كمان لمحت سوبر ماركت (Hasty Market) وده كنت باسمع عنه من زمان ؛ البت كارولين كانت ماسكة فرعين منه في هاميلتون (هاحكيلك عليها بعدين). قلت لازم أصوره ؛ دا حاجة من ريحة الحبايب. ألاقي قاعد جمبه واحد ما تعرفش شحات ولا هوملِيس (Homeless)! بس الملاحظ إنه كان عنده لطف شوية ؛ وعمال يكلّم نفسه! طبعاً طلّعته من كادر الصورة! ولمحت كذا واحد زيه كده قاعدين ف الشارع في المنطقة! شحاتين وروبابيكيا؟ ربنا يستر ع اللي جاي!


    رحنا ع العمارة التانية دي (كنا جبنا عنوانها وتليفونها من جورنال من أبو بلاش دول ). الناس اللي مقابلينّا ف الشارع شكلهم مش اللي هوه بصراحة! طبعاً كلنا ولاد تسعة ، ما قلتش حاجة! بس فيه ناس تشوفهم تحس إنهم ولاد ناس ، وناس تانية تقلّق من مناظرهم! قلت عادي يابو سعد... ما تاخدش بالمناظر... يعني انتا اللي شكلك ابن باشا؟!

    ندخل العمارة ، نيجي نستدعي الأسانسير ، الزرار ما بيشتغلش! وناس كانوا ف الطرقة آلولنا إنه عطلان ؛ خدوا التاني. واحنا واقفين نستنى التاني على ما ييجي ؛ نلمح ورقة ملزوقة بتحذر من إن تكرار اللعب في الزرار بتاع إنذار الحريق هيؤدي للعقوبات الجنائية وكده! وجمبها ورقة بتطلب من الناس اللي يرمي الزبالة يحطها في داخل صندوق النفايات ؛ مش جمبه ع الأرض! أنا وهند بصينا لبعض ، وبصراحة كنا اتقفلنا من العمارة والمنطئة كلها ، وكنا على شعرة! إيه يا عم مستوى الناس اللي ساكنين هنا دول؟!

    واحنا واقفين لسه مستنيين الأسانسير ... بووووووووم! أبص جمبي ف الطرقة ... الوش الزجاج اللي بيغطي لمبتين نيون ف السقف وقع ع الأرض واتدغدغ ميت حتة! ماهي ناقصة رعب أصلها! ساعتها بأه قلت لهند بالحرف (That's it!)... واخدتها وخرجنا م العمارة ، ومن المنطقة كلها!

    رحنا بعد كده على الناحية التانية (الـــ East) ، وافكرك تاني ؛ البلد مقسومة إيست و ويست بـــ يانج ستريت.

    شفنا شقة كويسة بصراحة ، وبتلعب برضه ف التسعميات دولار ، والمنطقة هادية وراقية ، ونضيفة ، وفي الداون تاون (خطوتين تتمشاهم تبقى في قلب الأحداث مباشرتن) ، والعمارة حلوة ، والفيو من البلكونة راااائع. تخرج البلكونة تلاقي في وشّك الـــ CN Tower ، منظر غير طبيعي! أنا كنت هاموت ع المنطقة والمكان بصراحة. بس طبعاً البروتوكول بيقول لازم تليفون على ديبو قبل ما نفكر حتى ناخد قرار!


    - حتت شقة يا احمد م الآخر ، وشايف الـــ CN Tower من البلكونة ، وإيجارها رخيص ، والمنطقة تحفة.

    - فين الشقة دي؟

    - في شيربورن ستريت ، و إيتون سنتر على آخر الشارع. ألائي البيه يرد عليّا :

    - "سيبك م الشارع ده يا محمد"!

    - ليه يا احمد بيه؟

    - إسمع الكلام وخلاص ، سيبك م الشارع ده بالذات ، إنتا مسافر تاني وهتسيب هند لوحدها!

    - ما تفهّمني يا عم الحاج ، هوه سر؟

    - هيه هند جمبك؟

    - يا عم هوه انتا هتشتم؟ آديني بعدت عنها. فيه إيه بقى؟

    - الشارع ده شارع البروستيتيوتس!

    - يا رااااجل! طب وإيه المشكلة؟! هوه أنا هاخاف عليها منهم؟ هيعملولها إيه يعني؟!

    - يابني إفهم... ماهي كل واحدة منهم ، وليها الفتوة بتاعها! والناس اللي بيتعاملو مع الأشكال دي بيكونو سكرانين ، وما تضمنش بيعملو إيه؟ ولو هند راجعة متأخر البيت لأي سبب ، مش هتكون حاسّة بالأمان وهيه مروّحة! ومن كام شهر حصلت خناقة ف الشارع ده (Chercher la femme) ، و واحد طلّع مسدس وقتل التاني ف الخناقة ! إبعد عن اللبش ده كله!


    هاقول إيه؟ حاضر يا احمد بيه!


    كملنا مشي وفرجة ، وجينا لمنطقة هادية وشجرها بيديها إحساس رومانسي ، وشفنا بيت عجبنا ، وكان عامل إعلان عن وجود شقق فاضية. قلنا قبل ما ندخل نبص ونتعب نفسنا ؛ ناخد الأوكيه الأول...
    ألو يا احمد... فيه شقة فاضية في حتة حلوة. إيه رأيك في شارع چارفيس؟ البيه رد : "إنتا يا محمد بتنشّن على راس القرد؟" ، ماله الشارع ده هوه راخر؟! آللي "ده شارع الجايز Gays"!

    ساعتها ما قدرتش امسك نفسي من الضحك ، وقلتله : "آهو العالم دول بقى بالذات آخر ناس نقلق منهم ، دانا أسيب هند وسطهم واحط في بطني بطيخة صيفي! دول ملايكة يا راجل"!
    آللي وانتا ليه تقعّدها في منطقة زي دي أصلاً؟! حاضر... تؤمرنا يا احمد بيه!


    آخر ما زهقت ، قلت لهند : هوه أحمد كل ما هنقول له حتة هيطلّع لنا فيها القطط الفاطسة! إحنا نروح الحتة اللي هوه ساكن فيها ، ودي أكيد مافيهاش مشاكل بقى! وإلا ما كانش سكن هناك! ودي كانت منطقة يانج آند إجلنتون.

    فيما بعد بقى بدأنا نكتشف إن منطقة يانج آند إجلنتون دي من أحلى الأماكن في تورونتو... تعتبر ف الميد تاون (ربع ساعة بالصابواي وتكون ف الداون تاون). بخلاف إن المنطقة نفسها هادية ، وراقية ، وفيها - تقريباً - كل حاجة ممكن تحتاجها. حتى هند لما كانت ف الشغل ويسألوها زمايلها ساكنة فين ، وتقول لهم يانج آند إجلنتون ؛ تسمع الـــ واااااو ... دي حتة تحفة! يا بختك! وهيه نفسها – هند – يوم بعد يوم ؛ ومع اللف في كافة نواحي تورونتو ، بيتأكد لها إننا أحسنّا الاختيار.

    وفيه مناطق تفتكرها كويسة ورايقة وراقية ، لكن أرجع أفتكر كلمة عبد الرحمن ؛ الإتش آر بتاعنا ف پريسيچن أول ما دخلت الشركة ، وعرفت إني رايح البريمة 92 (أبعد بريمة عن القاهرة من بين براريم الشركة كلها – 8 ساعات سفر). رد عليّا وقاللي (البريمة بناسها يا دكتور). وما حسيتش بالكلمة دي ولا بمعناها غير لما رحت على البريمة 147 اللي انتا فيها حالياً أيام ما كانت في دمياط الجديدة. كنت انا أول رجل تدب فيها ، من قبل ما العيادة توصل حتى! وهمّه هيتشين فيها وكنت جايب آخري ؛ وباكلم عمك الزهار أترجاه (إعمل فيا جميل ، ورجّعني 92 تاني)!

    نفس الموضوع بالنسبة للسكن في أي مكان. فيه عندك مثلاً المنطقة المحيطة بجامعة تورونتو (University of Toronto, U of T) ، اللي هيه في سپاداينا (China Town) أو الحي الصيني. ممكن هناك تشتري حاجات كتير وهدايا ومستلزمات الكمبيوتر ؛ وأسعارها رخيصة جداً. لكن ما يتسكنش فيها. فيها تجارة المخدرات ، والهومليس. والنصيحة دي أحمد اللي قالهالي.

    وعندك كمان چين آند فِينش (Jane and Finch West) حتة هادية وكل حاجة... بس أوعى تفكّر فيها! هند اللي قالتلي ع المعلومة دي. كانت رايحة هناك عشان كانت شركتها عاملة بانكويت (وليمة – حفلة غدا) هناك. بتحكيلي عن الأشكال اللي نازلة معاها م الأتوبيس هناك ، والناس اللي ساكنة هناك... تجمع غير طبيعي من السود! حست إنها توريست وهيه هناك! جوّ لبش! بتقوللي فيه سود تحس إنهم ولاد ناس ومحترمين ، وفيه سود تحس بالإجرام على وشُّهم! وعرفِت بعدها إن المنطقة دي من أخطر الأماكن في تورونتو ، وإن البوليس كل فترة بيعمل زي حملة تفتيش هناك ع الأسلحة!

    وفيه واحد مصري كندي مع هند ف الشغل حالياً. الراجل ده بيحكيلها إن واحد صاحبه كان سكن في المنطقة بتاعت چارفيس وشيربورن وتشيرش (الـــ 3 شوارع متوازيين ، وموازيين ليانج ستريت شرقاً ف الداون تاون). وكان رايح يعدي عليه ، وتاه شوية ف العنوان. لقى أوفيسَر (بوليس) جاي يسأله انتا رايح فين ، وبتعمل إيه هنا؟! رد عليه ، وقال له : جاي أزور واحد صاحبي ساكن هنا بس تايه ف العنوان. آل له أوكيه سير. مش الطبيعي إن حد يتكلم معاك أصلاً! تلاقي كان فيه مشاكل ساعتها أكيد! صدق أحمد!

    تهامي

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:45 am

    [url="http://img94.imageshack.us/i/poverty.png/"][/url]

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:46 am

    اللي فاتت دي خريطة بالمناطق الخطرة نسبيا في تورونتو ..و ان كان البلد كلها امان جدا بس ممكن في اماكن تكون مش لطيفة للعائلات تشوف منظر يحرجك قدام اولادك تسمع كلام بذئ ...المناطق المتظللة بالبني هي فعلا اعلي معدلات الفقر و الجريمة (و ان كان عمره ما حيحصل دولنا العربية)فيفضل ان الواحد يبعد عنها قدر الامكان ..بقية المناطق اللون الاحمر و بقية الالوان it is Livingable places ..تقدر تشوف المكان من خلال خدمة جوجل ماب الجديدة قبل ما تقرر

    ابحث عن العنوان و حرك الراجل الصغير الي في الماب علي العنوان حيوريك المكان كأنك شايفه

    الخريطة الي تحت دي فيها كل احياء تورونتو ..الاحياء الي بالون الاحمر خط احمر ما تقربولهاش علي قدر ما تستطيعوا ...لو الافاضل الي عايشين في تورونتو يحبوا يضيفوا علي المناطق السابقة اي اضافات نكون شاكرين ...الي شايف ان في منطقة خطرة و لا ليه تجربة معاها يعلم عليها بالاحمر نكون شاكرين و مهللين

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:47 am

    [url="http://img101.imageshack.us/i/toronotoplaces.png/"][/url]

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:52 am

    CPA # Neighbourhood Name
    1 West Humber-Clairville
    2 Mount Olive-Silverstone-Jamestown
    3 Thistletown-Beaumond Heights
    4 Rexdale-Kipling
    5 Elms-Old Rexdale
    6 Kingsview Village-The Westway
    7 Willowridge-Martingrove-Richview
    8 Humber Heights-Westmount
    9 Edenbridge-Humber Valley
    10 Princess-Rosethorn
    11 Eringate-Centennial-West Deane
    12 Markland Wood
    13 Etobicoke West Mall
    14 Islington-City Centre West
    15 Kingsway South
    16 Stonegate-Queensway
    17 Mimico
    18 New Toronto
    19 Long Branch
    20 Alderwood
    21 Humber Summit
    22 Humbermede

    23 Pelmo Park-Humberlea
    24 Black Creek
    25 Glenfield-Jane Heights
    26 Downsview-Roding-CFB
    27 York University Heights
    28 Rustic
    29 Maple Leaf
    30 Brookhaven-Amesbury
    31 Yorkdale-Glen Park
    32 Englemount-Lawrence
    33 Clanton Park
    34 Bathurst Manor
    35 Westminster-Branson
    36 Newtonbrook West
    37 Willowdale West
    38 Lansing-Westgate
    39 Bedford Park-Nortown
    40 St.Andrew-Windfields
    41 Bridle Path-Sunnybrook-York Mills
    42 Banbury-Don Mills
    43 Victoria Village
    44 Flemingdon Park
    45 Parkwoods-Donalda
    46 Pleasant View
    47 Don Valley Village
    48 Hillcrest Village
    49 Bayview Woods-Steeles
    50 Newtonbrook East
    51 Willowdale East
    52 Bayview Village
    53 Henry Farm
    54 O'Connor-Parkview
    55 Thorncliffe Park
    56 Leaside-Bennington
    57 Broadview North
    58 Old East York
    59 Danforth Village - East York
    60 Woodbine-Lumsden
    61 Crescent Town
    62 East End-Danforth
    63 The Beaches
    64 Woodbine Corridor
    65 Greenwood-Coxwell
    66 Danforth Village - Toronto
    67 Playter Estates-Danforth
    68 North Riverdale
    69 Blake-Jones
    70 South Riverdale
    71 xxxxxxxxxxxxxxxxxCabbagetown-South St. James
    73 xxxxxxxxxxxxxxxMoss ParkxxxxxxxxxxxxxxxTownxxxxxxxxxxxxxxxxxx
    72 xxxxxxxxxxxxxx Regent Parkxxxxxxxxxxx
    74 North St. James Town
    75 Church-Yonge Corridor
    76 Bay Street Corridor
    77 Waterfront Communities-The Island
    78 Kensington-Chinatown
    79 University
    80 Palmerston-Little Italy
    81 Trinity-Bellwoods
    82 Niagara
    83 Dufferin Grove
    84 Little Portugal
    85 South Parkdale
    86 Roncesvalles
    87 High Park-Swansea
    88 High Park North
    89 Runnymede-Bloor West Village
    90 Junction Area
    91 Weston-Pellam Park
    92 Corso Italia-Davenport
    93 Dovercourt-Wallace Emerson-Junction
    94 Wychwood
    95 Annex
    96 Casa Loma
    97 Yonge-St.Clair
    98 Rosedale-Moore Park
    99 Mount Pleasant East
    100 Yonge-Eglinton
    101 Forest Hill South
    102 Forest Hill North
    103 Lawrence Park South
    104 Mount Pleasant West
    105 Lawrence Park North
    106 Humewood-Cedarvale
    107 Oakwood-Vaughan
    108 Briar Hill-Belgravia
    109 Caledonia-Fairbank
    110 Keelesdale-Eglinton West
    111 Rockcliffe-Smythe
    112 Beechborough-Greenbrook
    113 Weston
    114 Lambton Baby Point
    115 Mount Dennis
    116 Steeles
    117 L'Amoreaux
    118 Tam O'Shanter-Sullivan
    119 Wexford/Maryvale
    120 Clairlea-Birchmount
    121 Oakridge
    122 Birchcliffe-Cliffside
    123 Cliffcrest
    124 Kennedy Park
    125 Ionview
    126 Dorset Park
    127 Bendale
    128 Agincourt South-Malvern West
    129 Agincourt North
    130 Milliken
    131 Rouge
    132 Malvern
    133 Centennial Scarborough
    134 Highland Creek
    135 Morningside
    136 West Hill
    137 Woburn
    138 Eglinton East
    139 Scarborough Village
    140 Guildwood



    التقاطعات الي في الاماكن دي اكتر حتت في تورونتو Disturbing خلو بالكم منها علي قدر ما تستطيعوا برضه


    Scarborough South of the 401
    Jane and Eglinton.
    King and Dufferin
    Scarborough just south of the Town Centre
    xxxxxxxxxxMaltonxxxxxxxxx
    around the York University grounds
    Allan Gardens
    Cabbage town
    Regent Park
    Dundas/Sherbourne
    Dundas east of Yonge
    hookers at Wellesley and Jarvis
    Sherbourne and Wellesley


    اخطر10 مدن بالترتيب التنازلي للعام الحالي عامة ..تورونتو مش فيهم

    SASKATOON1-
    WINNIPEG-2-
    REGINA-3
    PRINCE GEORGE, B.C-4
    EDMONTON -5
    CHILLIWACK, B.C.-6
    HALIFAX-7
    VANCOUVER-8
    SURREY, B.C.-9
    VICTORIA, B.C. -10

    E.Salem

    عدد المساهمات : 15
    تاريخ التسجيل : 11/02/2010

    رد: البحث عن منزل في كندا

    مُساهمة  E.Salem في الأحد فبراير 14, 2010 6:52 am

    الاسامي الي فوق دي اسامي الاحياء(زي حي اول و تاني في الجيزة كده )مش اسامي شوارع لا الاحياء الي فيها الشوارع ...مش متداولة لكن لو حتأجر في مكان اسئله هي تبع اي حي ..يعني لو حتأجر في داون تاون في شارع بارلمينت parliament street اسئله هو تبع حي ايه حيقولك تبع regent park المنطقة الي مظللة بالاحمر ..و طبعا دي الاخطر في تورونتو ...و هكذا

      الوقت/التاريخ الآن هو الأحد ديسمبر 04, 2016 7:25 pm